اول شي بحب اعرّف عن حالي....انا بنت جنيييين التي تم فصلها من المنتدى لاسباب غير معروفه...!!!
بالصدفه كنت مجهزه اكتر من موضوع مشان انزلوا كالعاده بالمنتدى ولما اجيت بدي ادخل على المنتدى طلعت مفصووووووله......
وانا هلأ مو جايه مشان اسأل ليش فصلوني او حتى افتح الموضوع لاني بحترم رأيهم وبحترم وجهة نضرهم وقرارهم حتى لوكان ضالم.....
بجوز يكون وجودي بالمنتدى غلط بالنسبه الكوا او حتى اكون غريبه عنكوا....
انا أجيت هلأ بس لأني حابه اسلم عليكوا ابل ما اطلع للابد من المنتدى وحابه احكيلكوا اني عنجد انبسطت معكوا كتير وارتحت معكوا واعتبرتكوا اكتر من اخوان عزيزين علي.......
وبجوز في منكوا هلأ رح يرتاح مني لأني بجوز كنت أشكّله حجر كبير في طريئه...
بس برجع وبئول اني آسفه كتير من اعماق قلبي ازا غلطت بحئ اي عضو من الاعضاء وياريت تسامحوني ازا أسئت لاي حدا دون قصد.....
وانا لهلأ مابنكر مدى روعة هاد المنتدى ومابنكر اني حبيته كتير واكيد اي حدا بدخلوا مابحب يطلع منه سواء بقراروا او بقرار التانيين...!!!
بس هاد لا يعني اني رح أوئف هون او رح أيئس...لأ...بالعكس انا هلأ رجعلي النشاط اكتر وانشالله رح أسجل في منتدى تاني بس مشان أوصل لهدفي وأوصّل رسالتي لكل الشعب العربي.....وما رح أيئس.......وما رح أنسى قضيتي ورح إضل دايما في بالي وساكنه جواتي.....
وخلص مارح تشوفوا بنت جنيييين بالمنتدى مره تانيه....
انا بعرف انها مو خساره إلكوا بس سدئوني هاي اكبر خساره بالنسبه إلي....إني خسرت منتدى من اروع المنتديات واخوان عزيزين على قلبي....
مارح أطوّل عليكوا اكتر من هيك.....بس اللي عندكوا طلب صغير إزا سمحتوا...؟؟
بدي منكوا لما تدخلوا أي موضوع من مواضيعي تتزكروني وتزكروني بخير وتدعولي اني أكمل مشواري بنشاط وحيويه متل ما عوّدتكوا علي دايما...
ونصيحه اخيره مني : لاتدعوا اليأس يقتل أحلامكم.....!!!
واخيرا بشكر كل المقيمين على المنتدى وشكر كبير لأبو الوليد والادمين والاخ العزيز صامد.....أذكروني بخير....
إقبلوا إحترامي....
------------->بنت جنيييين<------------
الاخوة الاعضاء
كل ما ذكرته الاخت بنت جنين عار من الصحة تماما فقد قمت قبل قليل بمراجعة ملفات الادارة وما زال حسابها مفعل ولم يتم تجميدها او شطب عضويتها .
الاخت بنت جنين ارجو ان تتأكدي من اسم الدخول او الرقم السري لان هذا هو الاحتمال الوحيد اما انه قد تم تجميد او فصلك فهذا لم يحصل وارجو منك عدم وضع اي مواضيع كهذه قبل التأكد او مراسلة الادارة فما فعلته عيب بحق المنتدى واعضاءه وادارته بان تقومي بمثل هذه الاتهامات دون وجه حق اعيدي طلب كلمة السر او تأكدي منها فالخلل حدث من جانبك وليس من قبل ادارة المنتدى - أبو الوليد